呃是有心人，我就随口一讲，侬就记了心里厢了。”
“杜太太，杜先生今朝在屋里厢伐？”
“伊在屋里厢睏觉。”
“个么最好勒，那两个人正好去拍一张合影。那今年结婚几年了呀？”
“十年了，对额，确实是十年了。”
“结婚十年叫锡婚，逢十是大日脚，要好好庆祝呃。”
“锡婚？”杜太太好奇地问道。
“就是金银铜铁锡呃锡，锡婚纪念日要叫先生送黄金首饰呃。”
“是伐，个么，格个纪念日一定要过呃，我马上就叫阿拉阿杜起来。欧阳太太，侬先等歇哦。”
“好呃，我先到楼上去一趟，侬好了叫我一声好勒。”
“好好好。”
不一会儿，杜学谦穿着睡衣被杜太太推搡着从卧室出来。
“侬做啥啦？我正好在做梦，被侬吵醒了。”杜学谦一脸又苦恼又无奈。
“人家欧阳太太好心好意请阿拉去拍照，侬啰里八啰嗦做啥啦，快点，快点，勿要让欧阳太太等太长晨光了。”杜太太把西服外套往杜学谦手上一塞：“快点去穿衣裳呀，还木知木觉呃样子。”
杜学谦摇了摇头，唉声叹气：“哦哟，侬已经不是小姑娘了呀，侬已经是老菜皮了呀，拍出来也不好看呃呀。”
“侬勿要瞎三话四，人家欧阳先生呃拍照水平老灵呃，欧阳太太讲只要我一化妆，不比周璇，胡蝶，姜黎黎伊拉坍般。”
“哦哟，人家花侬几句就当真了，侬好跟胡蝶比啊，侬最多就是只刺毛虫。”
杜太太敲了杜学谦一记毛
第一百零一章 当年同窗(2/7)