天三顿，个么减掉一块大洋好勒，我收侬五块。侬看哪能？”
“勿要减忒了，讲好六块就六块，侬赚呃都是辛苦铜钿呀。”
“欧阳太太，侬太客气了，个么格能，我每礼拜免费帮侬家里打扫一趟。侬看好伐？“
“好好好，薛太太，就依侬，我要是有需要，就麻烦侬来帮我打扫打扫。”
“欧阳太太，侬真呃是大方，不像楼下呃杜太太，小家败气，斤斤计较。上个号头还扣忒我一块大洋，讲有三四天是伊自己烧中饭呃，还讲上个号头落雨天数多，我衣裳汰得少，真是碰着赤佬了。“
淑娴听后，不置可否，只能无奈地笑笑。
“侬晓得伐，伊是姨娘呀，看上去风风光光呃，其实，男人在外头花擦擦，伊男人在浦东老家是有老婆呃，前几年大太太还来上海跟伊大吵大闹，请伊吃了两记耳光。”
“还有这种事体啊？后来呢，哪能摆平呃？”
“具体哪能摆平呃，不太晓得，不过好像讲格个男人把此地呃房契交给她了，回去跟大老婆过日脚了，不过，这种男人嘛，心野呀，跟其他女人也搞不清爽，我亲耳听见这只女人跟杜先生发飙，叫伊滚出去寻四马路呃拉三去。伊也不想想，自己这只肚皮不争气，又是老菜皮，又好吃懒做，啥呃男人要跟这种女人过日脚啦。“
杜太太见淑娴没有接话头，觉得自己话好像太多了：“不过，欧阳太太，我是把侬当自己人，才跟侬讲讲呃，侬勿要到外头乱讲噢。”
淑娴听了笑了笑：“我懂呃，我懂呃。哎，薛太太，个么迭个东厢房呃情况侬清爽伐？”
“格家人家不常
第八十七章 左邻右舍(5/7)